Дзень роднай мовы

Дата: 21 февраля 2017 в 19:04, Обновлено 22 февраля 2017 в 14:33

Автор: Горбат Н. А.

639 просмотров

Роднае слова – ты песня!
Ты дзіўная казка ў нас,
І словы твае, як прадвесне,
Гучаць і звіняць кожны раз.

Пра мову беларусы шаноўна і ласкава гавораць "родная мова", "матчына мова", "мова бацькоў і дзядоў". Менавіта, такія выказванні пра родную мову гучалі ўвесь дзень у Дзяржаўнай установе адукацыі “Чырвоненская сярэдняя школа ” .

Праўду кажуць: “Век жыві, век вучыся”. Вучні і настаўнікі пераканаліся ў гэтым падчас правядзення 21 лютага ў 11 класе класнай гадзіны, прысвечанай адзінаму Дню роднай мовы . Адзінаццацікласнікі разам з настанiўцай беларускай мовы i лiтаратуры Купрацэвiч В.М. аформілі дошку, дзе былі выстаўлены выставы літаратуры "Мой родны край" i малюнаў да твораў беларускай літаратуры.

Падчас мерапрыемства пранікнёна гучалі вершы і песні на беларускай мове, поўныя любві да нашага краю. Нікога не пакінула без увагі школьная акцыя “Гаворым па-беларуску”.

Спадзяёмся, што мерапрыемства, якое было прысвечана нашай любай беларускай мове, нікога не пакінула абыякавым, бо калі ў школе праводзяцца такія мерапрыемствы і вучні, наша маладое пакаленне, з такой цікавасцю, з такой адказнасцю да іх адносяцца, хочацца верыць у тое, што

Жыць будзе Беларусь – мая старонка,

Сярод зямлян жыць будзе беларус!

А разам з беларусам будзе жыць прыгожая, мілагучная беларуская мова!